Çatdırılma tapşırıqlarının necə qiymətləndirildiyini və Wolt tətbiqində əks edildiyini yeniləyirik

Bu yaxınlarda:
Kuryer-partnyorların hər bir çatdırılma üçün qazana biləcəkləri məbləği tapşırığı qəbul etməmişdən və ya imtina etməzdən öncə göstərmək üçün Wolt Courier Partner tətbiqini yeniləyirik. Bu xüsusiyyət uzun müddətdir ki, kuryer-partnyorların sorğularında xüsusi yer alırdı və biz ümid edirik ki, bu dəyişiklik tapşırıqların qəbulu zamanı qərar verməyinizi asanlaşdıracaq.

Növbəti aylarda:
Biz, hər bir tapşırıq üçün qazancı və tapşırığı yerinə yetirmək üçün sərf olunan əziyyəti daha dəqiq nəzərə aldığımıza əmin olmaq istəyirik. Ötən il, təxmini marşrut məsafəsi və götürmə üçün mükafatlandırmanı təqdim edərkən, biz artıq buna doğru ilk addımı atmışıq. Tezliklə çatdırılma haqqını təklif edərkən biz aşağıdakıları da nəzərə ala biləcəyik:

• Müştəri və restoranın/mağazanın yeri (məsələn, məkana çatmaq çətindirmi?)
• Hava (məsələn, yağış yağır, yoxsa hava şəraitinə görə daha çox kuryer-partnyora ehtiyac olduğu görülür?)
• Sifariş növü (məsələn, böyük ərzaq sifarişidir, yoxsa bir dönər?)
• Digər (məsələn, narahat parkinq, yol boyu yüksəkliklər və s.)

Planlaşdırılmış yeniliklərinin xülasəsini oxuduğunuz üçün təşəkkür edirik. Əlavə suallarınız yaranarsa Wolt proqramında dəstək komandamızla əlaqə saxlayın.

Diqqətiniz üçün təşəkkürlər 💙

FAQ

Mən kuryer-partnyoram, mənim üçün nə dəyişəcək?

• Növbəti bir neçə həftə ərzində hər tapşırıq üzrə qazancın əks olunma üsulu dəyişəcək və artıq siz Wolt Courier Partner tətbiqində tapşırığı qəbul və ya imtina etməzdən öncə sifariş üçün təyin olunan mükafatlandırmanı görəcəksiniz.
• Bir neçə ay ərzində biz hər bir tapşırığı yerinə yetirmək üçün sərf olunan əziyyəti daha dəqiq nəzərə alaraq, hər bir sifariş üçün mükafatlandırmanı fərdi şəkildə müəyyən edəcəyik.

Bu dəyişikliklərə görə mənim qazanclarım artacaq, yoxsa azalacaq?
Daha öncə qeyd etdiyimiz kimi, bütün tapşırıqlarda mükafatlandırmanın sərf olunan əziyyətə uyğun olaraq təyin olunması istiqamətində addımlar atırıq. Bunun bir hissəsi olaraq bəzi tapşırıqlarda mükafatlandırma daha çox, bəzilərində isə əvvəlkindən daha az ola bilər. Yekun məqsəd hər bir tapşırığın qəbul olunması üçün sizə ən uyğun mükafatlandırmanı təqdim etməkdir.

Siz ödəniş modelini yenilədikdən sonra nə qədər qazanacağımı necə biləcəyəm?
Yeni funksiya hər bir tapşırığın haqqını öncədən bilmənizi asanlaşdıracaq. Tapşırığı qəbul və ya imtina etməzdən əvvəl sizə baza tarifi, məsafə tarifi və tapşırığa aid hər hansı xüsusi əlavə haqlar daxil olmaqla mükafatlandırma göstəriləcək. Sifariş tamamlandıqdan sonra sizə tapşırığın toplam mükafatlandırılması (bəxşiş daxil olmaqla) göstəriləcək.

Köhnə şərtlərlə Wolt ilə çatdırılmaya davam etmək istəsəm nə etməliyəm?
Ümid edirik ki, siz bu yeni imkanları sınayıb, qazancınızın necə inkişaf etdiyini görəcəksiniz. Yeni əlavə qüvvəyə minəndən sonra köhnə müqavilə üzrə çatdırılmalara davam etmək mümkün olmayacaq.

Əgər mən Wolt ilə birbaşa tərəfdaşlıq etmək əvəzinə fleet partnyor vasitəsi ilə Wolt platformasında çatdırılmalar edirəmsə, bu dəyişikliklər mənə təsir edəcəkmi?
Əlavə məlumat üçün fleet menecerinə müraciət etməlisiniz.