Covid-19-ის პანდემიამ სამყარო დრამატულად შეცვალა. ცვლილებები ბიზნესსაც შეეხო, მათ შორის საკვების მიტანის სერვისს, რომელიც მთელ მსოფლიოში პირველადი საჭიროების მომსახურებად იქცა. Wolt-ის გუნდს ამ გამოწვევამ უდიდესი პასუხისმგებლობა დააკისრა.

„ჩვენ დიდი პასუხისმგებლობა გვაკისრია – ერთი მხრივ, ვჭირდებით მომხმარებლებს, მეორე მხრივ  – მერჩანტებს, ვისაც შეეზღუდა მუშაობის უფლება და მესამე მხრივ – პარტნიორ კურიერებს, რომელთაც აქვთ უწყვეტი შემოსავალი მაშინ, როდესაც მრავალი ინდუსტრია გაჩერებულია”, – Wolt-ის დამფუძნებელი და CEO მიკი კუუსი.

Wolt-ის ადგილობრივი ოფისი, პანდემიის დაწყების პირველივე დღიდან, საგანგებო რეჟიმში მუშაობს. კომპანიისთვის, უმთავრესი პრიორიტეტი, საქართველოში მიტანის სერვისზე ხელმისაწვდომობის ზრდა და მომხმარებლისთვის რაც შეიძლება ფართო არჩევანის შეთავაზება გახდა.

Wolt-ის კორპორაციული პასუხისმგებლობა კომპანიის მიერ განხორციელებულ არაერთ აქტივობასა თუ გადაწყვეტილებაში აისახა, მათ შორის:

• საქართველოში პანდემიის მეორე ტალღის დაწყებისა და შეზღუდვების დაწესებისთანავე, Wolt-მა მიტანის სერვისის საფასური შეამცირა, რომლის ქვედა ზღვარი 2,5 ლარიდან 1,5 ლარამდე დასწია. მნიშვნელოვანია, რომ ეს ცვლილება არ ასახულა პარტნიორი კურიერების ანაზღაურებაზე. ასევე პარტნიორ რესტორნებს შეუნარჩუნდათ პანდემიამდელი პირობები. მიტანის სერვისის საფასურის შემცირებას კომპანია სრულად თავად ასუბსიდირებს 🛵
• 2020 წლის დეკემბერში, Wolt-მა, Mastercard-თან ერთად, მომხმარებელს უპრეცედენტო აქცია მეორედ შესთავაზა, რომლის ფარგლებშიც Mastercard-ის ბარათით გადახდისას, მომხმარებელი, უფასო მიტანის სერვისით მთელი თვის მანძილზე, 2020 წლის ბოლომდე ისარგებლებს 💳
• Wolt-მა ჯერ კიდევ 2020 წლის გაზაფხულზე, საგანგებო რეჟიმში დაიწყო სუპერმარკეტებისა და სხვა სავაჭრო ობიექტების დამატება, რათა Wolt-ის მომხმარებელს რაც შეიძლება მეტ ობიექტსა და უსაფრთხოდ, სახლიდან გაუსვლელად, მეტი პროდუქტის შეძენაზე ჰქონოდა წვდომა. დღეს Wolt-ზე უკვე 200-მდე სუპერმარკეტი და სხვა მაღაზიაა წარმოდგენილი, მათ შორისაა ისეთი ქსელები, როგორიცაა „კარფური“, „გუდვილი“, „სუფთა სახლი“, „მინისო“, „ზოომარტი“, „სუპერი“, Yves Rocher, XS Toys, „პეპელა“ და მრავალი სხვა 🛒 🧩 📚
• გაზრდილი მოთხოვნის საპასუხოდ, მნიშვნელოვნად გაიზარდა Wolt-ის პარტნიორ კურიერთა რიცხვი ✅
• პარტნიორი რესტორნებისთვის გატანის (takeaway) სერვისზე Wolt-მა საკომისიო 0% გახადა, რაც ნიშნავს იმას, რომ რესტორნებს აღარ მოუწევთ Wolt-ის მომსახურების საფასურის გადახდა, როცა მომხმარებელი გატანის სერვისით ისარგებლებს 👌🏻
• Wolt-ზე აფთიაქები დაემატა და უკვე შესაძლებელია ჯპს-დან და ფარმადეპოდან სასურველი პროდუქტების შეძენა (ბავშვის კვება და მოვლის საშუალებები, ჰიგიენური პროდუქცია, თავის მოვლის საშუალებები, კოსმეტიკა და აქსესუარები, მედიკამენტები, და მრავალი სხვა სამედიცინო პროდუქცია) და რაც ყველაზე მთავარია, აფთიაქებიდან მიტანის სერვისი არის უფასო 🎁
• და ბოლოს, Wolt საახალწლოდ რამდენიმე მასშტაბურ კამპანიას გეგმავს და მომხმარებელს საინტერესო აქციებსა და სიურპრიზებს შესთავაზებს 🎄

„Wolt საგანგებო რეჟიმში მუშაობას აგრძელებს და ამ რთულ პერიოდში კვლავ ეცდება იქონიოს დადებითი გავლენა და შექმნას მნიშვნელოვანი ფასეულობა როგორც მომხმარებლისთვის, ისე პარტნიორი რესტორნებისთვის, სავაჭრო ობიექტებისთვის და პარტნიორი კურიერებისათვის“.