მომხმარებლის წესები და პირობები

ნოემბრის თვის კონკურსი

• კონკურსის დამკვეთი და ორგანიზატორი

კონკურსის ორგანიზატორი: შპს „თ & კ რესტორნები“ (მაკდონალდს საქართველო; ს/კ 204909180) 

კონკურსის პარტნიორი: შპს „ვოლტ ჯორჯია“ (ს/კ405260042)

• კონკურსის მიზანი:

2022 წლის 07  ნოემბრიდან, 2022 წლის  30 ნოემბრის ჩათვლით პერიოდში, იმ მომხმარებლის გამოვლენა, რომელიც ყველაზე მეტ შეკვეთას განათავსებს მაკდონალდსის რესტორნების ქსელში, ვოლტის/WOLTაპლიკაციის მეშვეობით.

• კონკურსის ჩატარების ვადები:

2022 წლის 07 ნოემბრიდან 2022 წლის 30 ნოემბრის ჩათვლით

• კონკურსში მონაწილეობის წესი:

 კონკურსში მონაწილეობას ავტომატურად მიიღებს ყველა ის მომხმარებელი, გარდა წინამდებარე წესები და პირობების პუნქტში ჩამოთვლილი გამონაკლისისა,  რომელიც ვოლტის აპლიკაციის მეშვეობით ერთჯერადად განათავსებს 35 (ოცდათხუთმეტი) ან მეტი ლარის ღირებულების შეკვეთას

გამარჯვებულის გამოვლენის პრინციპი:

• გამარჯვებულები გამოვლინდება თვის ბოლოს, კამპანიის დასრულების შემდეგ.

• კონკურსის  ათი გამარჯვებული გამოვლინდება არაუგვიანეს 2022 წლის 01 დეკემბრის ჩათვლით პერიოდში და პრიზებს მიიღებს ის ათი მომხმარებელი, რომელმაც თვის განმავლობაში ყველაზე მეტჯერ განათავსა  35 ლარის ან მეტი ღირებულების შეკვეთა მაკდონალდსის რესტორნების ქსელში ვოლტის აპლიკაციის მეშვეობით.

კონკურსში მონაწილეს შესაძლებლობა ექნება, ნახოს იკავებს თუ არა საუკეთესო ათეულში პოზიციას, რომლის შესახებაც  ინფორმაცია განთავსებული იქნება და განახლდება ყოველდღიურად www.mcdelivery.ge -ზე, აღნიშნულ ვებ გვერდზე მითითებული იქნება მომხმარებლის სახელი სრულად და გვარის პირველი ასო.

კონკურსის გამარჯვებულის გამოვლენისას მხედველობაში არ მიიღება გაუქმებული შეკვეთების ოდენობა.

კონკურსის გამარჯვებულის გამოსავლენად მხედველობაში არ მიიღება ორგანიზატორის, მისი შვილობილი კომპანიების ან შპს ვოლტ ჯორჯიასთან დაკავშირებული იმ ორგანიზაციის თანამშრომლები, რომელთაც შესაძლოა წვდომა ჰქონდეთ შეკვეთების რაოდენობასა და გამარჯვებულის გამოვლენის პროცესთან

ყოველი გამარჯვებულის გამოვლენის შემდეგ ორგანიზატორის მხრიდან განხორციელდება მასთან დაკავშირება WOLT-ის აპლიკაციაში მითითებულ საკონტაქტო ნომერზე. ორგანიზატორი უზრუნველყოფს კონკურსის გამარჯვებულთან სატელეფონო კომუნიკაციის სამ მცდელობას. იმ შემთხვევაში, თუ მომხმარებლთან ვერ განხორციელდა დაკავშირება, გამარჯვებულად ჩაითვლება განთავსებული შეკვეთების რაოდენობით მეორე ადგილზე გასული მომხმარებელი.

გამარჯვებულ მომხმარებლებს, რომელთა პრიზები განისაზღვრება პრომოკოდით, ორგანიზატორის მხრიდან კომუნიკაციის შემდეგ, ავტომატურად გაუაქტიურდებათ აღნიშნული პრომო კოდი, WOLT-ის აპლიკაციაში შესაბამის ანგარიშზე (account). აღნიშნული პრომო კოდის ღირებულება დაზუსტებულია წინამდებარე წესებისა და პირობების მე-6 პუნქტში და ხელმისაწვდომია გააქტიურებიდან 3 თვის განმავლობაში.

იმ შემთხვევაში, თუ რამდენიმე მომხმარებელს დაუფიქსირდება ერთი და იმავე შედეგი (იდენტური რაოდენობის შეკვეთები ზემოთ აღნიშნული კრიტერიუმების შესაბამისად) უპირატესობა მიენიჭება ღირებულების მიხედვით ყველაზე მეტი ოდენობის შეკვეთას. 

იმ შემთხვევაში, თუ რამდენიმე მომხმარებელმა განათავსა ერთი და იმავე რაოდენობის შეკვეთა და მათი ღირებულება თანაბარია, გამარჯვებულის გამოსავლენად უპირატესობა მიენიჭება იმ მომხმარებელს, რომელმაც უფრო ადრე განათავსა  შეკვეთა აპლიკაციაში.

კონკურსის გამარჯვებულების მიერ თანხმობის მიღების შემთხვევაში, ორგანიზატორი გამოაქვეყნებს გამარჯვებულებისა და მათთვის პრიზის გადაცემის შესახებ ინფორმაციას მაკდონალდს საქართველოს ოფიციალურ ფეისბუქ გვერდზე (www.facebook.com/McDonaldsGeo) და მაკდელივერის ვებ გვერდზე: www.mcdelivery.ge

მხარეთა უფლებების დაცვის მიზნით, წინამდებარე წესებსა და პირობებზე თანხმობით, თითოეული მომხმარებელი უფლებას აძლევს ორგანიზატორს განახორციელოს სატელეფონო ზარის ჩანაწერი მასთან დაკავშირების შემთხვევაში.

პრიზების მისაღებად გამარჯვებული მომხმარებელი უნდა გამოცხადდეს მისამართზე: თბილისი, 26 მაისის მოედანი, სპორტის სასახლესთან არსებული მაკდონალდსის რესტორანში ორგანიზატორის მიერ გამარჯვებულ მომხმარებლებთან წინასწარ შეთანხმებულ დროს.

იმ შემთხვევაში, თუ გამარჯვებული მომხმარებელი არ გამოცხადდა შეთანხმებულ მისამართზე შეთანხმებულ დროს და მისი მხრიდან არ განხორციელდა კომუნიკაცია 1 სამუშაო დღის ვადაში, ორგანიზატორი იტოვებს უფლებას, პრიზი გადასცეს განთავსებული შეკვეთების რაოდენობით, შემდეგ ადგილზე გასულ მომხმარებელს. 

გამარჯვებულს პრიზი გადაეცემა პირადობის დამადასტურებელი დოკუმენტის წარმოდგენის შემდეგ, რომელიც უნდა ემთხვეოდეს მომხმარებლის მიერ აპლიკაციაში მითითებულ ანგარიშის მონაცემებს.

• პრიზების ჩამონათვალი და მათი განაწილების წესი:

საპრიზო ადგილი	პრიზები	პერიოდი
1	ფინალის საგზური (მატჩზე დასასწრები ბილეთი, სასტუმრო და ავია ბილეთები)	ნოემბერი  (07.11.2022 – 30.11.2022)
2	iPhone 14 Pro
3	Playstation 5
4	300 ₾ Wolt-ის პრომო კოდი
5	300 ₾ Wolt-ის პრომო კოდი
6	200 ₾ Wolt-ის პრომო კოდი
7	200 ₾ Wolt-ის პრომო კოდი
8	150 ₾ Wolt-ის პრომო კოდი
9	150 ₾ Wolt-ის პრომო კოდი
10	100 ₾ Wolt-ის პრომო კოდი

• კონკურსის ორგანიზაციული და საინფორმაციო უზრუნველყოფა

კონკურსის ორგანიზაციული და საინფორმაციო უზრუნველყოფისათვის ორგანიზატორი იყენებს მაკდონალდს საქართველოს აპლიკაციას, ვებ გვერდს, სოციალურ მედიას (ფეისბუქ, ინსტაგრამ, ტიკტოკ, იუთუბ არხები) ხოლო

პარტნიორი ვოლტ ჯორჯია – შემდეგ საკომუნიკაციო არხებს: (ფეისბუქ, ინსტაგრამ, აპლიკაციას, ვებ გვერდს, ელ-ფოსტას, ფუშ და ინეპ შეტყობინებებს)

კონკურსის შესახებ ინფორმციას დამკვეთი განათავსებს მაკდონალდს საქართველოს ფეისბუქ გვერდზე (https://www.facebook.com/McDonaldsGeo)

გათამაშების მონაწილეთა ინფორმირებისათვის გათამაშების წესები და პირობები განთავსდება ვოლტ ჯორჯიას აპლიკაციაში, ასევე ვოლტის ლოიალური მომხმარებლები ინფორმაციას დამატებით მიიღებენ აპლიკაციაში მითითებულ ელ. ფოსტაზე ე.წ. ნიუსლეთერის სახით.